ஒரு காதல் கதை

எங்க வீட்டில் தாத்தா
எதுத்த வீட்டில் பாட்டி
இருவருக்கும் வந்திருச்சு
காதல் மறு வாட்டி

கிளவி சுத்த சைவம்
கிளவனார் அசைவம்
மூக்கு மேலே மூக்கு வெரல்
வச்ச அதிசயம்

குத்து கல்லு தாத்தா
பளய கால வாத்தி
ஒண்டிக் கட்டை பாட்டி
அதுக்கு கொள்ளுப் பேத்தி

கிளவனாரு முதலி
கிளவி அது பிள்ளை
இத்துப் போன வயசுலே
ஏன் இந்தத் தொல்லை?

எடக்கு சொல்லைத் தவுத்தா
ஒண்ணு மட்டும் நெசம்
கிணத்துப் பக்கம் கிளவனாரு
பாடுறாரு நெதம்

பல்லைக் களட்டி மூணு வேளை
சலவை செய்யறாரு
சந்தனத்தைப் பூசிக் கிட்டு
ரொம்ப ஒய்யறாரு

வழுக்கு மண்டை நடுப்பாலே
வகுடு தெரியுது
பழுத்த கன்னம் ரெண்டிலுமே
பவுடர் படியுது

தொந்கிப் போன மீசையுமே
தூக்கி நிக்குது
மங்கிப் போன கண்ணு கூட
மினுமினுக்குது

கூனு போட்ட முதுகெலும்பு
செங்குத்தாச்சு
ஊனி நடந்த மூங்கிக்கம்பு
மூலைக்குப் போச்சு

தொவண்டு போன வவுறு
சும்மா பசியெடுக்குது
வறண்டு போன உதடு கூட
விசில் அடிக்குது

கிளவி அது காலையிலே
வாசல் தெளிக்குது
கிளவனாரைப் பாத்துப் புட்டா
ஒடம்பை நெளிக்குது

கலைஞ்சு போன சேலைத்தான்
சரிப் படுத்துது
ஒளிஞ்சு பாத்த எங்களுக்கோ
சிரிப் பெடுக்குது

நெய்யூத்திப் பலகாரம்
ஆக்கி வைக்குது
கையோட தத்தாவுக்கு
அனுப்பி வைக்குது

கிளடு இங்க நாக்குச் சொட்ட
வவுத்தை ரொப்புது
களுவி வச்ச கலசத் திலே
கடிதம் அனுப்புது

குளத் தோரம் சாயங்காலம்
சந்திக் குதுங்க
கண் மறைவா புல்லு மேலே
குந்திக் குதுங்க

மேலும் மேலும் அவங்க காதல்
வளந்து போச்சுங்க
வளந்து போன கிளங்க ரெண்டு
குளந்தை ஆச்சுங்க